Jogan Hainkel (teo_tetra) wrote,
Jogan Hainkel
teo_tetra

Рождество Христово. Тропарь. Стихиры. Кондак.

https://rusdeti.com/viewtopic.php?t=1125&sid=374a802af670660917bb3bb4531e0a1e#p36019

https://rusdeti.com/viewtopic.php?t=1125&p=50506#p50506

Рождество Твое Христе Боже наш,
Возсия мирови свет разума,
В нем бо звездам служащии,
И Звездою учахуся,
Тебе кланятися Солнцу Правды,
И Тебе видедети с высоты востока,
Господи слава Тебе.



+ + +

Стихиры на стиховне: (глас четвертый)

Егда время eже на землю пришествия Твоего,/ первое написание вселенней бысть,/ тогда восхотел eси человеков написати имена,/ верующих Рождеству Твоему./ Сего ради таковое повеление от кесаря возгласися:/ вечнаго бо Твоего царствия безначальное Рождеством Твоим обновися./ Тем Тебе приносим и мы паче именнаго даннословия,/ православнаго богатство Богословия,/ яко Богу и Спасу душ наших.

Днесь Христос в Вифлееме раждается от Девы: днесь Безначальный начинается,/ и Слово воплощается: силы небесныя радуются,/ и земля с человеки веселится:/ волсви Владыце дары приносят:/ пастырие Рожденному дивятся./ Мы же непрестанно возопием:/ слава в вышних Богу.

Веселитеся праведнии, небеса радуйтеся, взыграйте горы, Христу рождшуся:/ Дева седит херувимом подобящися,/ носящи в недрех Бога Слова воплощенна:/ пастырие Рожденному дивятся:/ волсви Владыце дары приносят:/ ангели воспевающе глаголют:/ непостижиме Господи, слава Тебе.

Богородице Дево, рождшая Спаса, упразднила eси первую клятву Eвину:/ яко Мати была eси благоволения Oтча, носящи в недрех Божие Слово воплощенное./ Не терпит тайна испытания./ Верою eдиною Сию вси славим, зовуще с Тобою и глаголюще:/ неизреченне Господи, слава Тебе.

Приидите воспоим Матерь Спасову,/ по рождестве паки явльшуюся Деву:/ радуйся Граде одушевленный Царя и Бога,/ в немже Христос пожив спасение содела./ С Гавриилом воспоим:/ с пастырьми прославим зовуще:/ Богородице, моли из Тебе Воплощеннаго спастися нам.

Отец благоизволи, Слово плоть бысть, и Дева роди Бога вочеловечшася,/ звезда возвещает, волсви покланяются, пастырие чудятся,/ и тварь радуется.


Кондак Рождества Христова

Дева днесь Пресущественнаго раждает, и земля вертеп Неприступному приносит: ангели с пастырьми славословят, волсви же со звездою путешествуют: нас бо ради родися Oтроча младо, Превечный Бог.



http://teo_tetra.livejouenal.com
Tags: РОЖДЕСТВО ХРИСТОВО, молитва.
Subscribe
  • Post a new comment

    Error

    Anonymous comments are disabled in this journal

    default userpic

    Your reply will be screened

    Your IP address will be recorded 

  • 0 comments