Jogan Hainkel (teo_tetra) wrote,
Jogan Hainkel
teo_tetra

Молитва об упокоении единокровников от Рода Рускаго

Оригинал взят у teo_tetra в Молитва об упокоении единокровников от Рода Рускаго
teo_tetra Оригинал взят у slawademin в Молитва об упокоении единокровников от Рода Руского
символ веры

Помяни, Господи, во Царствiи Своемъ весь почившiй Родъ нашъ, всехъ иже отъ праотца нашего Адама усопшихъ родоначальниковъ, прародителей, праотцевъ, праматерей, отцевъ, братiй и сестеръ нашихъ единокровныхъ (имена) и всехъ отъ века и до днесь почившихъ сродниковъ нашихъ по плоти, ихже имена веси, Господи. Судiя Праведный и Милосердный, наказующiй чадъ за нераскаянныя греси родителей до третьяго и четвертаго колена, помилуй и прости всехъ сродниковъ нашихъ усопшихъ и весь Родъ нашъ Рускiй за вся великiя и тяжкiя согрешенiя отъ века содеянныя. За богоотступничество и цареборчество, за вся вольныя и невольныя согрешенiя, за преступленiя и кровь братскую, невинно пролитую и вопиющую къ Богу, за попранiе соборныя клятвы, за измену и преданiе на смерть Помазанника Божiя Святаго Царя Мученика Николая и его Семьи, за отреченiе отъ Бога и Православныя Веры, за гоненiя на Святую Церковь и уничиженiя верныхъ, за разрушенiя и оскверненiя храмовъ Божiих, за поруганiе святынь и Православнаго Отечества нашего, за идолобесiе, идолопоклонство, за почитанiе богомерзкихъ праздниковъ, обрядовъ, истукановъ, кумировъ и символовъ антихристовой власти, за приятiе лжеученiя, еже мнитъ будто человецы не по образу и подобiю Божiему сотворены, но отъ гадовъ, скотовъ и прочiя твари безсловесныя точiю произошли, за отрицанiе промысла и бытiя Божiя, за вольное или невольное служенiе антихристовой власти, за участiе въ делахъ ея воинскихъ или мiрскихъ, за гордыню и нечестiе, за братоубiйства, самоубiйства, скверноубiйства, детоубiйства во утробе матерней, за измены, мятежи, чародейства, зломыслiе, злонравiе, колдовство, гаданiя, ворожбу, блудъ, пьянство, развратъ, сквернословiе и богохульство. За вся смертныя тяжкiя греси, кощунства, скверны и прочiя беззаконiя отъ века содеянныя, ихъ же несть числа. Прости, Человеколюбивый Господи, вся люди Твоя отъ Рода Рускаго. Токмо на милость Твою уповаемъ. Вемы, яко Ты греси и нечестiя отцевъ наказуеши в детяхъ, внуцехъ и правнуцехъ даже до третьего и четвертаго колена, но и милуеши отцевъ за молитвы и добродетели чадъ ихъ. Не остави же и не попусти до конца погибнути и во гресехъ сгинути, но помилуй и прости родителей, сродниковъ и единокровниковъ нашихъ. Не наказуй вечнымъ наказаниемъ, но избави я отъ погибели, ниже ведали многiя вся, елика творятъ. Разреши узы греха и всякiя неправды, растерзай клятву страшную и вся заклятiя бесовскiя за беззаконiя попущенныя, убо и днесь связаны и обременены оными не токмо колена наша, но и весь Родъ нашъ. Егда предъ Богомъ на Судище Страшнемъ вся языцы предстанут, где обрящется Родъ Рускiй? Патриарси, епископы, священницы, монаси, цари, царицы, князи, княгини, мiряне, вожди и воины, животъ свой во бранехъ положившiя, или въ море погибшiя, или крамолою убиенныя? Не токмо Богу угодившiя, но и прочiя сродницы наша во гресехъ безъ покаянiя скончавшiеся? Не токмо молитвенницы, святыя и благоверныя, не токмо верныя, но и неверныя сродницы и единокровницы наша в нечестiе впавшiя, иже купно съ нами елицы станутъ предъ Тобою? Дондеже Судъ сей Страшный не насталъ, прости и помилуй усопшихъ родоначальниковъ, прародителей, праотцевъ, праматерей, отцевъ, братiй и сестеръ нашихъ единокровныхъ молитвъ ради всехъ святыхъ отъ Рода Рускаго. Смилуйся, Господи, прости и помяни вкупе во Царствiи Своемъ всехъ отъ века скончавшихся сродниковъ и единокровниковъ нашихъ и во святомъ Крещенiи, и ниже познавшихъ Светъ Истины. Возьми вся праведныя и неправедныя, именитыя и безымянныя души рускiя въ руцы Своя и ослаби, остави вся согрешенiя я вольная и невольная и даруй имъ Царствiе Свое Небесное и со святыми упокой въ вечной славе Твоей. Аминь
Tags: Белое, Белое единство, Белый менталитет., Руская душа., дорога к Храму., жертвы чюдоюдов., молитва.
Subscribe
  • Post a new comment

    Error

    Anonymous comments are disabled in this journal

    default userpic

    Your reply will be screened

    Your IP address will be recorded 

  • 0 comments