April 28th, 2019

ПОСОЛОНЬ

СВЕТЛОЕ ХРИСТОВО ВОСКРЕСЕНИЕ. С Велиим и Священным Праздником братие и сестры во Христе

ВозКресе́ние Твое́, Христе́ Спа́се, а́нгели пою́т на небесе́х, и нас на земли́ сподо́би чи́стым се́рдцем Тебе́ сла́вити.

Тропарь Пасхи, глас 5:
Христо́с возкре́се из ме́ртвых, сме́ртию смерть попра́в, и су́щим во гробе́х живо́т дарова́в.

Ипакои Пасхи, глас 4:

Предвари́вшия у́тро я́же о Мари́и/ и обре́тшия ка́мень отвале́н от гро́ба,/ слы́шаху от А́нгела: во све́те присносу́щнем Су́щаго/ с ме́ртвыми что́ и́щете, я́ко челове́ка/ Ви́дите гро́бныя пелены́: тецы́те и ми́ру пропове́дите,/ я́ко возста́ Госпо́дь,/ умертви́вый смерть,/ я́ко есть Сын Бога, спаса́ющаго род челове́ческий.

Кондак Пасхи, глас 8:
А́ще и во гроб снизше́л еси́, Безсме́ртне,/ но а́дову разруши́л еси́ си́лу,/ и возкре́сл еси́, я́ко Победи́тель, Христе́ Бо́же,/ жена́м мироно́сицам веща́вый: Ра́дуйтеся! /
и Твои́м апо́столом мир да́руяй,/ па́дшим подая́й Воскресе́ние.

Задостойник Пасхи, глас 1:
А́нгел вопия́ше Благода́тней: Чи́стая Де́во, ра́дуйся, и па́ки реку́: Ра́дуйся! Твой Сын воскре́се тридне́вен от гро́ба и ме́ртвыя воздви́гнувый: лю́дие весели́теся. Свети́ся, свети́ся Но́вый Иерусали́ме, сла́ва бо Госпо́дня на Тебе́ возсия́. Лику́й ны́не и весели́ся, Сио́не. Ты же, Чи́стая, красу́йся, Богоро́дице, о воста́нии рождества́ Твоего.

Ексапостиларий Пасхи
Пло́тию усну́в, яко мертв, Царю́ и Го́споди, тридне́вен воскре́сл еси́, Ада́ма воздви́г от тли, и упраздни́в смерть: Па́сха нетле́ния, ми́ра спасе́ние

ПАСХАЛЬНЫЙ КАНОН, глас 1-й

Песнь 1
Ирмос: Возкресения день, просветимся людие: Пасха, Господня Пасха! От смерти бо к жизни, и от земли к Небеси, Христос Бог нас преведе, победную поющия.
Припев:    Христос возкресе из мертвых
Очистим чувствия, и узрим неприступным светом возкресения Христа блистающася, и радуйтеся рекуща ясно да услышим, победную поюще.

Припев:
Христос возкресе из мертвых
Небеса убо достойно да веселятся, земля же да радуется, да празднует же мир, видимый же весь и невидимый: Христе бо возста, веселие вечное.

Песнь 3
Приидите, пиво пием новое, не от камене неплодна чудодеемое, но нетления източник, из гроба одождивша Христа, в Немже утверждаемся.
Ныне вся изполнишася света, Небо же и земля и преисподняя: да празднует убо вся тварь возстание Христово, в Немже утверждается.
Вчера спогребохся Тебе, Христе, совозстаю днесь возкресшу Тебе, сраспинахся Тебе вчера, Сам мя спрослави, Спасе, во Царствии Твоем.

Богородичны:
На нетленную жизнь прихожду днесь, благостию Рождшагося из Тебе, Чистая, и всем концем свет облиставшаго. Бога, Егоже родила еси плотию, из мертвых, якоже рече, возставша видевши, Чистая, ликуй, и Сего яко Бога, Пречистая, возвеличай.

Ипакои, глас 4-й:
Предварившия утро яже о Марии,/ и обретшия камень отвален от гроба,/ слышаху от Ангела: во свете присносущнем Сущаго,/ с мертвыми что ищете, яко человека / видите гробныя пелены тецыте и миру проповедите,/ яко воста Господь,/ умертвивый смерть,/ яко есть Сын Бога, спасающаго род человеческий.

Песнь 4
Ирмос:
На божественней стражи, богоглаголивый Аввакум/ да станет с нами и покажет светоносна ангела,/ ясно глаголюща: днесь спасение миру,/ яко возкресе Христос,/ яко всесилен.
Мужеский убо пол, яко разверзый девственную утробу,/ явися Христос: яко человек, Агнец наречеся:/ непорочен, яко невкусен скверны, наша Пасха,/ и яко Бог истинен совершен речешася
яко единолетный агнец, благословенный нам венец Христос,/ волею за всех заклан бысть, Пасха чистительная,/ и паки из гроба Красное Правды нам возсия Солнце./
богоотец убо Давид, пред сенным ковчегом скакаша играя,/ людие же Божии святии,/ образов сбытие зряще,/ веселимся божественне, яко воскресе Христос,/ яко всесилен.

Богородичны:
Создавый Адама, Твоего праотца, Чистая, зиждется от Тебе, и смертное жилище разори Своею смертию днесь, и озари вся божественными блистаньми воскресения. Егоже родила еси Христа, прекрасно из мертвых возсиявша, Чистая, зрящи, добрая и непорочная в женах и красная, днесь во спасение всех, со апостолы радующися, Того прославляяй.

Песнь 5
Утренюем утреннюю глубоку,/ и вместо мира песнь принесем Владыце,/ и Христа узрим, Правды Солнце,/ всем жизнь возсияюща./
Безмерное Твое благоутробие адовыми узами содержими зряще,/ к свету идяху Христе, веселыми ногами, Пасху хваляще вечную./
Приступим, свещеноснии, исходящу Христу из гроба яко жениху,/ и спразднуим любопразднственными чинми Пасху Божию спасительную.

Богородичны:
Просвещается божественными лучами и живоносными воскресения Сына Твоего, Богомати Пречистая, и радости исполняется благочестивых собрание. Не разверзл еси врата девства в воплощении, гроба не разрушил еси печатей, Царю создания: отонудуже воскресшаго Тя зрящи, Мати радовашеся.

Песнь 6

Ирмос:
Снизшел еси в преисподняя земли и сокрушил еси вереи вечныя, содержащия связанныя Христе, и тридневен, яко от кита Иона, воскресл еси от гроба.
Сохранив цела знамения, Христе, воскресл еси от гроба, ключи Девы невредивый в рождестве Твоем, и отверзл еси нам райския двери.
Спасе мой, живое же и нежертвенное заколение, яко Бог Сам Себе волею привед Отцу, совоскресил еси всероднаго Адама, воскрес от гроба.

Богородичны:
Возведеся древле держимое смертию и тлением, Воплотившася от Твоего пречистаго чрева, к нетленней и присносущней жизни, Богородице Дево. Снииде в преисподняя земли, в ложесна Твоя, Чистая, cшедый, и вселивыйся и воплотивыйся паче ума, и воздвиже с Собою Адама, возкрес от гроба.

Кондак, глас 8-й
Аще и во гроб снизшел еси, Безсмертне, но адову разрушил еси силу, и возкрес еси яко победитель, Христе Боже, женам мироносицам вещавый: радуйтеся, и Твоим апостолом мир даруяй, падшим подаяй возкресение.

Икос
Еже прежде солнца, Солнце зашедшее иногда во гроб, предвариша ко утру, ищущия яко дне мироносицы девы, и друга ко друзей вопияху: О другини! приидите, вонями помажем тело живоносное и погребенное, плоть Возкресившаго падшаго Адама, лежащую во гробе. Идем, потщимся якоже волсви, и поклонимся, и принесем мира яко дары, не в пеленах, но в плащанице Обвитому, и плачим, и возопиим: о Владыко, востани, падшим подаяй возкресение.

Возкресение Христово видевше, поклонимся Святому Господу Исусу, Единому безгрешному, Кресту Твоему покланяемся, Христе, и святое возкресение Твое поем и славим: Ты бо еси Бог наш, разве Тебе инаго не знаем, имя Твое именуем. Приидите вси вернии, поклонимся святому Христову возкресению: се, бо прииде Крестом радость всему миру. Всегда благословяще Господа, поим возкресение Его: распятие бо претерпев, смертию смерть разруши. (Трижды)
Воскрес Исус от гроба, якоже прорече, даде нам живот вечный и велию милость. (Трижды)

Песнь 7
Отроцы от пещи избавивый, быв человек, страждет яко смертен, и страстию смертное в нетления облачит благолепие, Един благословен отцев Бог, и препрославлен.
Жены с миры богомудрыя во след Тебе течаху: Егоже яко мертва со слезами искаху, поклонишася радующияся Живому Богу, и Пасху тайную Твоим, Христе, учеником благовестиша.
Смерти празднуем умерщвление, адово разрушение, инаго жития вечнаго начало, и играюще поем  единаго благословеннаго отцев Бога и препрославленнаго.
Яко воистинну священная и всепразднственная, сия спасительная нощь, и светозарная, светоноснаго дне, востания сущи провозвестница: в нейже безлетный Свет из гроба плотски всем возсия.

Богородичны:
Умертвив Сын Твой смерть, Всенепорочная, днесь, всем смертным пребывающий живот во веки веков дарова, Един благословенный отцев Бог и препрославленный. Всем царствуяй созданием, быв человек, вселися в Твою, Богоблагодатная, утробу, и распятие претерпев и смерть, возкресе боголепно, совозставив нас яко всесилен.

Песнь 8
Сей нареченный и святый день, един субот Царь и Господь, праздников праздник, и торжество есть торжеств: в оньже благословим Христа во веки.
Приидите, новаго винограда рождения, божественнаго веселия, в нарочитом дни воскресения, Царствия Христова приобщимся, поюще Его яко Бога во веки.
Возведи окрест очи твои, сионе, и виждь: се бо приидоша к тебе, яко богосветлая светила, от запада, и севера, и моря, и востока чада твоя, в тебе благословящая Христа во веки.

Троичен:
Пресвятая Троице Боже наш, слава Тебе. Отче Вседержителю, и Слове, и Душе, Треми соединяемое во ипостасех Естество, Пресущественне и Пребожественне, в Тя крестихомся, и Тя благословим во вся веки.

Богородичны:
Прииде Тобою в мир Господь, Дево Богородице, и чрево адово расторг, смертным нам воскресение дарова: темже благословим Его во веки. Всю низложив смерти державу Сын Твой, Дево, Своим воскресением, яко Бог крепкий совознесе нас и обожи: темже воспеваем Его во веки.

Песнь 9
Припев:
Величит душа моя воскресшаго тридневно от гроба Христа Живодавца.

Ирмос:
Светися, светися, новый иерусалиме: слава бо Господня на тебе возсия, ликуй ныне, и веселися, сионе. Ты же, Чистая, красуйся, Богородице, о возстании Рождества Твоего.

Припев:
Христос новая Пасха, жертва живая, Агнец Божий, вземляй грехи мира.
О, божественнаго, о любезнаго, о сладчайшаго Твоего гласа с нами бо неложно обещался еси быти до скончания века Христе, Его же вернии, утверждения надежды имуще, радуемся.

Припев:
Ангел вопияше Благодатней: чистая Дево, радуйся, и паки реку, радуйся.Твой Сын возкресе тридневен от гроба, и мертвыя воздвигнувый, людие веселитеся.
О, Пасха велия и священнейшая, Христе. О мудросте, и Слове Божий, и Cило. Подавай нам изтее Тебе причащатися, в невечернем дни Царствия Твоего.

Богородичны:
Согласно, Дево, Тебе блажим вернии: радуйся, двере Господня, радуйся граде одушевленный; радуйся, Еяже ради нам ныне возсия Свет из Тебе Ражденнаго из мертвых возкресения. Веселися и радуйся, божественная Двере Света: зашедый бо Исус во гроб, возсия, просияв солнца светлее, и верныя вся озарив, богорадованная Владычице.

Ексапостиларий самогласен
Плотию уснув, яко мертв, Царю и Господи, тридневен возкресл еси, Адама воздвиг от тли, и упразднив смерть: Пасха нетления, мира спасение. (Трижды)

СТИХИРЫ ПАСХИ

Стих:
Да воскреснет Бог, и расточатся врази Его.
Пасха священная нам днесь показася: Пасха нова святая, Пасха таинственная, Пасха всечестная, Пасха Христос Избавитель, Пасха непорочная, Пасха велия, Пасха верных, Пасха двери райския нам отверзающая, Пасха всех освящающая верных.
Стих: Яко исчезает дым, да исчезнут.
Приидите от видения жены благовестницы, и Сиону рцыте: приими от нас радости благовещения воскресения Христова; красуйся, ликуй и радуйся, Иерусалиме, Царя Христа узрев из гроба яко жениха, происходяща.
Тако да погибнут грешницы от лица Божия, а праведницы да возвеселятся.
Мироносицы жены, утру глубоку, представша гробу Живодавца, обретоша ангела, на камени седяща, и Той провещав им сице глаголаше: что ищете Живаго с мертвыми? Что плачете Нетленнаго во тли? Шедше проповедите учеником Его.
Сей день, егоже сотвори Господь, возрадуемся и возвеселимся в онъ.
Пасха красная, Пасха, Господня Пасха! Пасха всечестная нам возсия! Пасха! Радостию друг друга обымем. О Пасха. Избавление скорби, ибо из гроба днесь яко от чертога возсия Христос, жены радости исполни глаголя: проповедите апостолом.

Слава, и ныне:
Возкресения день, и просветимся торжеством, и друг друга обымем. Рцем, братие, и ненавидящим нас, простим вся возкресением, и тако возопиим:


Христос возкресе из мертвых,
смертию смерть поправ
и сущим во гробех живот даровав.

Христос возкресе из мертвых,
смертию смерть поправ
и сущим во гробех живот даровав.

Христос возкресе из мертвых,
смертию смерть поправ
и сущим во гробех живот даровав.

Возкресение Твое, Христе Спасе, / Ангели поют на небесех, / и нас на земли сли сподоби / чистым сердцем / Тебе славити

Христос возкресе из мертвых, / смертию смерть поправ / и сущим во гробех живот даровав.
А́ще и во гроб снизше́л еси́, Безсме́ртне, / но а́дову разруши́л еси́ си́лу, / и возкре́сл еси́, я́ко Победи́тель, Христе́ Бо́же, / жена́м мироно́сицам веща́вый: Ра́дуйтеся, / и Твои́м апо́столом мир да́руяй, / па́дшим подая́й Возкресе́ние.
Пасха / священная нам днесь показася; / Пасха нова святая; / Пасха таинственая; / Пасха всечестная. / Пасха Христос Избавитель; / Пасха непорочная; / Пасха велия; / Пасха верных. / Пасха двери райския нам отверзающая. / Пасха всех освящающая верных.

Ангел вопияше Благодатней: / чистая Дево, радуйся! / И паки реку: радуйся! / Твой Сын воскресе / тридневен от гроба / и мертвыя воздвигнувый, / людие, веселитеся.

Возкресение Христово видевше, / поклонимся Святому Господу Исусу, / единому безгрешному, / Кресту Твоему покланяемся, Христе, / и Святое Возкресение Твое поим и славим: / Ты бо еси Бог наш, / разве Тебе инаго не знаем, / имя Твое именуем. / Приидите вси вернии, / поклонимся Святому Христову Воскресению: / се бо прииде Крестом радость всему миру. / Всегда благословяще Господа, / поим Возкресение Его: / разпятие бо претерпев, / смертию смерть разруши.

Волною морскою / скрывшаго древле, / гонителя мучителя, под землею скрыша / спасенных отроцы; / но мы, яко отроцы, / Господеви поим, / славно бо прославися.

1.Стихира на стиховне 6 гл.
Воскресение Твое Христе Спасе, Ангели поют на Небесех,
и нас на земли сподоби, чистым сердцем Тебе славити.

2.Христос воскресе!
Христос воскресе из мертвых, смертию смерть поправ,
и сущим во гробех живот даровав.

3.Ирмос 1-й песни Пасхального канона
Возкресения день, просветимся людие, Пасха, Господня Пасха: от смерти бо к жизни, и от земли к Небеси, Христос Бог нас преведе, победную поющия.

Христос возКресе!



https://teo_tetra.livejournal.com

ДА ОБНОВИТСЯ РУССКАЯ ЗЕМЛЯ И ДА ВОССТАНЕТ СВЯТАЯ РУСЬ!






"Да не утратим помалу, неприметно той свободы, которую даровал нам Кровию Своею Господь наш Иисус Христос, Освободитель всех человеков".

8-е правило III Вселенского Собора

"Два убо Рима падоша, а Третий стоит, а четвертому не быти".
Старец Филофей


Тропарь Русских Святых,глас 8

     Я́коже плод кра́сный Твоего́ спаси́тельнаго се́яния, земля́ Росси́йская прино́сит Ти, Го́споди, вся Святы́я, в той просия́вшия. Тех моли́твами в ми́ре глубо́це Це́рковь и страну́ на́шу Богоро́дицею соблюди́, Многоми́лостиве.


«Русское Небо, Русские Святые зовут нас быть с ними, как они с нами. Зовут приобщиться духу вечной жизни и того духа жаждет весь миp.
Восстановленная Россия нужна всему мipy, от которого отошел дух жизни и он весь колеблется в страхе, как перед землетрясением.
Россия ждет Христолюбивого воинства, Христолюбивых Царей и вождей, которые поведут русский народ не для славы земной, а ради верности Русскому Пути Правды.
"Не нам, не нам, а Имени Твоему".
В покаянии, в вере, в очищении, да обновится Русская земля и да восстанет Святая Русь!».

Святитель Иоанн Шанхайский

"Я предвижу восстановление мощной России,еще более сильной и могучей.
На костях Мучеников,как на крепком фундаменте, будет воздвигнута Русь Новая - по старому образцу,крепкая своею верою во Христа Бога и Святую Троицу - и будет по завету князя Владимира, - как единая Церковь".

Святой праведный Иоанн Кронштадтский

Празднование Пасхи в Царской Семье

До переворота 1917-го года самым главным праздником в России считали Пасху. Она была великим торжеством для людей всех возрастов и всех сословий.
За неделю до Пасхи, накануне Вербного Воскресенья Император Николай II с семьёй всегда приезжал в Москву, чтобы поклониться древним святыням и участвовать в торжественном выходе из  Грановитой Палаты в Чудов монастырь.



Саму Пасху Царь иногда проводил в Ливадии, где по случаю праздника устраивался парад. После парада Николай II участвовал в церемонии христосования с нижними чинами и со всеми обслуживающими Двор людьми. Царское христосование обычно продолжалось три дня, за которые Государь успевал обменяться поцелуями с 10 000 человек.
Эта традиция продолжалась неизменно даже во время  Первой мировой войны. Каждый солдат, похристосовавшийся с Царём, обязательно получал подарок – расписное фарфоровое яйцо с царским вензелем – их запасали заранее.
В 1874 году по заказу московских старообрядцев "поповского толка" братьями Тюлиными, известными иконописцами из Мстеры, были писаны изображения на пасхальных яйцах для приветствия высоких особ. Яйца вытачивались из дерева. Каждое из них состояло из двух половинок, внутри было вызолочено матовым золотом, наружная сторона окрашена яркой малиновой краской. Яйцо было очень легким, чрезвычайно изящным и отполированным, как зеркало. Количество этих яиц к каждой Пасхе для императорской семьи было строго определено: император и императрица получали по 40-50 яиц, великие князья - по 3, а великие княгини - по 2. В росписи участвовал и московский архитектор А.С. Каминский, который в 1890 году расписал оборотные стороны фарфоровых яиц с "живописью святых".


Collapse )